Oralda garaj órtenip, úsh adamnyń mert bolýyna baılanysty qylmystyq is qozǵaldy
BQO polıtsııa departamentiniń baspasóz qyzmetinen málim etkendeı, atalǵan oqıǵa boıynsha QR QK 292-baby 3-bóligine (abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý) sáıkes sotqa deıingi tergeý amaldary júrgizilip jatyr.
«Qazirgi kezde tıisti saraptamalar taǵaıyndaldy. Mán-jaılar anyqtalýda. Órt saldarynan qaza tapqan úshinshi adam da belgili boldy. Ol – 1997 jylǵy er adam. Atalǵan bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, bes jyldan on jylǵa deıin bas bostandyǵynan aıyrýǵa jazalanady», dep habarlady vedomstvodan.
BQO densaýlyq saqtaý basqarmasynyń baspasóz qyzmetiniń naqtylaýynsha, oqıǵa ornynan 1988 jylǵy er adam kómirtegi totyǵymen ortasha ýlaný dıagnozymen qalalyq aýrýhanaǵa jetkizildi.
Biraq ol aýrýhanaǵa jatýdan bas tartty.
Eske sala keteıik, budan buryn Oralda órtengen garaj ornynan úsh adamnyń máıiti tabylǵanyn jazǵan bolatynbyz.
Sondaı-aq Oralda garajdyń órtenýine baılanysty tabylǵan eki máıittiń kim ekeni anyqtaldy.
