Oralda garaj ben eki avtokólik otqa orandy
ORAL. QazAqparat - Oral qalasynda garaj ben qos avtokólik jalynǵa sharpyldy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa keshe saǵat 22.08-de M.Sholohov kóshesi boıyndaǵy «Kosmos» garaj kooperatıvinde boldy.
Garajdyń tóbesi janǵan. Jalynnyń sharpyǵan aýmaǵy - 2 sharshy metr. Órtten eki kólik zardap shekti - «Nıssan Prımera» men garaj janynda turǵan «Folksvagen Passat».
Órt saǵat 21.30-da oqshaýlanyp, 23.27-de sóndirildi. Tilsiz jaýdy aýyzdyqtaýǵa 11 adam men 3 tehnıka jumyldyryldy.
