Oralda Frankfýrttan ushyp kelgen 60-tan astam jolaýshy evakýatsııalandy
Oqıǵa kýágeri málim etkenindeı, 17 qarasha kúni saǵat 23.00 shamasynda jarylǵysh zat qoıyldy degen habar túskennen áýejaıda ábiger bastalǵan.
BQO polıtsııa departamentiniń baspasóz qyzmeti jalǵan qońyraý shalynbaǵanyn, osy merzimde, ıaǵnı 17 qarasha kúni saǵat 22.00-de áýejaı aýmaǵynda jospardan tys terrorızmge qarsy jedel-taktıkalyq oqý-jattyǵý júrgizilgenin jetkizdi.
«Osyǵan baılanysty áýejaı aýmaǵynda arnaıy, quqyq qorǵaý jáne basqa múddeli memlekettik organdar qyzmetkerleriniń qatysýymen terrorıstik qaýip kezindegi is-qımyl algorıtmi pysyqtaldy. Shartty ańyz boıynsha Franfýrt-Oral ushaǵymen kelgen 8 ekıpaj múshesi men 63 jolaýshy evakýatsııalandy. Bul rette azamattar qaýipsizdik sharalarymen qamtamasyz etildi», dep habarlady vedomstvodan.
Eske sala keteıik, budan buryn Oralda eki avtokólik soqtyǵysyp, bes adamnyń zardap shekkenin jazǵan bolatynbyz.