Oralda «Folksvagen» qoqys tasıtyn kólikke soqtyǵysyp qaldy
ORAL. QazAqparat - Oralda qos avtokólik soqtyǵysyp, bir adam jaraqat aldy, dep habarlaıdy QazAqparat tilshisi.
Oqıǵa 7 shilde kúni tús mezgilinde Zachagan kentindegi Jáńgir han kóshesi boıynda «Moskvıchı» janar-jaǵar maı quıý stansasy tusynda oryn aldy.
«Folksvagen Passat» kóligi turmystyq qatty qaldyqtardy tasıtyn kólikpen soqtyǵysqan. Sonyń saldarynan jeńil avtokóliktiń júrgizýshisi jaraqat aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 1980 jylǵy er adam aldyn ala málimet boıynsha jabyq bas-mı jaraqatyn alǵan ári mıy shaıqalǵan. Sondaı-aq mańdaıynyń oń jaǵynan jaraqat alǵan, ol oblystyq klınıkalyq aýrýhanaǵa jetkizildi.
Qazirgi kezde oqıǵanyń jaı-japsary anyqtalýda.
