Oralda eskek esýden QR V jazǵy spartakıadasy ótýde
ORAL. QazAqparat - Oraldaǵy «Dınamo» bazasynda baıdarka men kanoe esýden QR V jazǵy spartakıadasy ótýde, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, aıtýly dodaǵa 11 komanda quramynda 100-ge jýyq eskekshi qatysyp, baq synaýda.
Jarystyń alǵashqy kúni Batys Qazaqstan oblysynyń qorjynyna qos altyn medal tústi.
Jazǵy Azııa oıyndarynyń jeńimpazdary Andreı Ergýchev pen Alekseı Dergýnov 1 myń metr qashyqtyqta baıdarkadan chempıon atandy. Oǵan qosa A.Ergýchev osy qashyqtyqta jekeleı synda da top jardy. Eki adamdyq kanoeda shymkenttikter Tımofeı Emelıanov pen Sergeı Emelıanov úzdik shyqty. Kanoeny jalǵyz esýde S.Emelıanov birinshi keldi. Baıdarkadan áıelder arasynda Irına Podoınıkova ozdy.
9 maýsymǵa deıin sozylatyn spartakıada barysynda basqa da qashyqtyqtar boıynsha jeńimpaz-júldegerler anyqtalady.
Aıta keteıik, sonymen qatar 7-9 maýsym kúnderi tennıs ortalyǵynda dzıýdodan QR V jazǵy spartakıadasy ótedi.
