Oralda eskek esýden Qazaqstan jastar oıyndary márege jetti
ORAL. QazAqparat - Oral qalasynda eskek esýden Qazaqstan ІV jastar oıyndary márege jetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, Shaǵan ózeninde «Dınamo» sport bazasy mańynda ótken aıtýly dodaǵa Astana, Almaty qalalarynan, Atyraý, Qaraǵandy, Qyzylorda, Almaty, Ońtústik, Shyǵys jáne Batys Qazaqstan oblystarynan 120-dan astam sportshy qatysty.
Jarystyń bas tóreshisi, QR memlekettik jattyqtyrýshysy Qaısar Nurmaǵambetovtiń sózine qaraǵanda, jastar oıyndarynyń qorytyndysyna sáıkes Qazaqstan quramasy jasaqtalatyn bolady. Sodan keıin eskekshiler Rýmynııada ótetin jastar arasyndaǵy álem chempıonatyna ázirlenedi. Sosyn Chehııada baıdarka men kanoedan eresekter arasynda dúnıejúzilik doda ótedi.
Jastar oıyndarynda oraldyq eskekshi, Rıo olımpıadasyna qatysqan Andreı Ergýchev 200 jáne 500 metr qashyqtyqta altynnan alqa taqsa, 1 myń metrden máre syzyǵyn ekinshi bolyp qıdy. Endi ol qos birdeı álem birinshiligine daıyndalý úshin Belarýs elinde bolatyn jattyǵý jıynyna attanbaq.
