Oralda esirtki satýmen aınalysqan kúdikti ustaldy
ORAL. QazAqparat - Oral qalasynda esirtki satýmen aınalysqan kúdikti ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 1 aqpan kúni shamamen saǵat 18.30-da oryn aldy.
Jedel izdestirý sharalary barysynda departamenttiń esirtki bıznesimen kúres basqarmasynyń qyzmetkerleri J. degen turǵyndy qolǵa túsirdi.
Odan 60 gramnan astam marıhýana tárkilendi.
Kúdiktini ustaýǵa onyń is-áreketin shekteý jáne qoǵamdyq tártipti qamtamasyz etý maqsatynda arnaıy maqsattaǵy bólinis jaýyngerleri de qatysty.
Qazirgi kezde QR QK 297-baby 2-bóligine ( iri mólsherde esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sáıkes tergeý amaldary júrgizilýde.
