Oralda esirtki satqan muǵalim ustaldy
ORAL. QazAqparat - Oral qalasynda esirtki satýmen aınalysqan 1986 jylǵy H. degen muǵalim qolǵa tústi, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, №3 orta mekteptiń bastaýysh synyptardaǵy dene shynyqtyrý pániniń muǵalimi óziniń úıinde M. esimdi azamatqa 5,04 gramm keptirilgen marıhýana satqan.
Kúdikti Oral qalalyq ishki ister basqarmasynyń ýaqytsha oqshaýlaý ızolıatoryna qamaldy.
BQO ІІD esirtki bıznesimen kúres basqarmasynyń bastyǵy Andreı Hlevınniń aıtýynsha, 23 naýryz kúni óz úıinde ustalǵan muǵalimnen budan basqa taǵy bir qorapqa salynǵan esirtki tabylǵan.
Qazirgi kezde QR QK 297-baby 1-bóligine sáıkes (esirtki zattaryn zańsyz saqtaý jáne satý) qylmystyq is qozǵalyp, tergeý amaldary júrgizilýde.
