Oralda esin joǵaltyp alǵan jasóspirim tabyldy
ORAL. QazAqparat - Oralda iz-túzsiz joǵalǵan 14 jastaǵy jasóspirim tabyldy, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 4 maýsym kúni bolǵan.
Esin joǵaltyp alatyn syrqatqa shaldyqqan jasóspirim kúndiz úıinen shyǵyp ketip, adasyp ketken. Týysqandary birneshe saǵat boıy izdeýmen aınalysyp, tún ortasyna qaraı Ulttyq ulan jaýyngerleriniń kómegine júgingen.
Balanyń erekshe belgileri ratsııa boıynsha barlyq toptarǵa berilgen. Jarty saǵattan keıin quramynda qatardaǵy jaýyngerler Eldar Fazylov, Jaqsylyq Kárim jáne Azamat Baızaq bar top 4-shaǵynaýdanda jol shetinde jan-jaǵyna qarap, ne isterin bilmeı turǵan jasóspirimdi kórgen.
Jasóspirim jadyn joǵaltyp alýyna baılanysty týysqandarymen baılanysyp, óziniń qaı jerde ekendigin habarlaı almaǵany anyqtaldy.
Balanyń anasy Ulttyq ulan jaýyngerlerine jedel de kásibı áreketteri úshin alǵysyn bildirdi.
Eske sala keteıik, budan buryn Ulttyq ulan jaýyngerleriniń tapanshamen júrgen jasóspirimdi ustaǵanyn jazǵan bolatynbyz.
