Oralda erigen qar sýy joldyń ústine shyǵyp ketti

ORAL. KAZINFORM – Oral qalasynda qardyń qatty erýi saldarynan sý kósheler men joldarǵa jınalyp jatyr.

Оралда еріген қар суы жолдың үстіне шығып кетті
Фото: видеодан алынған кадр

Turǵyndardyń málim etkenindeı, 13 naýryzǵa qaraǵan túni qalaǵa qarasty Derkól kentinde sý «Saryarqa» shaǵynaýdanyna qaraı baratyn jańadan salynǵan joldyń ústine shyǵyp ketti.

BQO TJ departamenti baspasóz qyzmetiniń naqtylaýynsha, «Saryarqa» shaǵynaýdanynda qalaishilik avtojoldyń oıpatty bóligine sý jınalǵan. Sonyń saldarynan eki shaǵynaýdandy baılanystyratyn jolǵa erigen qar sýy jaıyldy.

Oralda erigen qar sýy joldyń ústine shyǵyp ketti
Foto: vıdeodan alynǵan kadr

- Kólik qozǵalysy buzylǵan joq jáne turǵyndarǵa qaýip tóngen joq. Bul jerde Batys Qazaqstan oblysy TJD bólimsheleri jumys isteýde. Olar motopompalardyń kómegimen sýdy aıdaýda. Sondaı-aq polıtsııa qyzmetkerleri men jergilikti atqarýshy organdardyń ókilderi jumyldyryldy. Jaǵdaı baqylaýda, - dep habarlady vedomstvodan.

Sońǵy kezde Oral qalasynda turǵyndar áleýmettik jelige beınejazbalar júktep, sýdyń kóshe joldaryna jınalyp, kólik qozǵalysyna qıyndyq keltirip jatqanyn aıtýda.

Eske sala keteıik, budan buryn Batys Qazaqstanda jaýǵan jaýyn-shashynnyń tasqynǵa áseri qandaı ekendigin jazǵan bolatynbyz.

 

Сейчас читают