Oralda er adamdy pyshaqtap óltirgen kúdikti ustaldy
ORAL. KAZINFORM — Oral qalasynda K.Tsıolkovskıı kóshesinde ornalasqan úılerdiń biriniń mańynan zorlyq-zombylyq belgileri bar er adamnyń máıiti tabyldy.
BQO polıtsııa departamentiniń baspasóz qyzmetinen málim etkenindeı, oqıǵa 7 qazan kúni keshkisin boldy.
Jedel izdestirý is-sharalary barysynda polıtsııa qyzmetkerleri atalǵan qylmysty jasady degen kúdiktini anyqtap, ustady. Ol ýaqytsha ustaý ızolıatoryna qamaldy.
— Atalǵan derek boıynsha sotqa deıingi tergep-tekserý bastaldy. Oqıǵanyń barlyq mán-jaıy anyqtalý ústinde. Tergeý barysy Batys Qazaqstan oblysy polıtsııa departamenti basshylyǵynyń baqylaýynda. QR Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy, — dep habarlady vedomstvodan.
Turǵyndardyń sózine qaraǵanda, eki er adam birge araq ishken. Sodan bireýi úıine qaıtyp bara jatqan mezgilde ekinshisi artynan kelip, birneshe ret pyshaq jumsaǵan. 36 jastaǵy marqumnyń sońynda kishkentaı balalary qaldy. Ustalǵan kúdiktiniń jasy 43-te.
Eske sala keteıik, budan buryn BQO polıtsııasy áıel adamnyń ólimine qatysty asa aýyr qylmysty ashqanyn jazǵan edik.
Sondaı-aq Oralda kópqabatty úıdiń tóbesinen qulaǵan eki jasóspirim mert boldy.
