Oralda er adamdy óltirip, halyqaralyq izdeýde júrgen qaskóı ustaldy

ASTANA. KAZINFORM — Oralda polıtsııa halyqaralyq izdeýde júrgen azamatty qolǵa túsirdi, dep habarlaıdy ІІM baspasóz qyzmeti.

Qazaqstan Respýblıkasy Іshki ister mınıstrligi ótken jyldardaǵy qylmystyń ashylýyn jiti baqylaýda ustap otyr.

Atap aıtqanda, 17 qańtarda Oralda Batys Qazaqstan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri qylmystyq polıtsııa basqarmasymen birlesip, «Berkýt» arnaıy jasaǵynyń kúshtik qoldaýymen 33 jastaǵy azamatty ustady.

— Ustaý jedel aqparat negizinde júzege asyryldy. Anyqtalǵandaı, atalǵan azamat Oral qalasy aýmaǵynda jasalǵan er adamdy óltirý deregi boıynsha asa aýyr qylmys jasaǵany úshin 2024 jyldan beri halyqaralyq izdeýde bolǵan. Qazir kúdikti ýaqytsha ustaý ızolıatoryna qamaldy. Atalǵan derek boıynsha qajetti tergeý áreketteri júrgizilip jatyr, — delingen mınıstrlik habarlamasynda.

Іshki ister mınıstrligi ótken jyldardaǵy aýyr jáne asa aýyr qylmystardy ashý boıynsha júıeli jumysty jalǵastyryp jatyr.

Budan buryn Oralda medıtsına qyzmetkerine kúsh qoldanǵan turǵynǵa qatysty qylmystyq is qozǵalǵanyn jazǵanbyz.