Oralda er adamnyń múrdesi tabyldy
ORAL. QazAqparat - Oral qalasynda depo kópiriniń astynan er adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin tańerteń oryn aldy.
Aldyn ala málimet boıynsha er adamnyń denesinde zorlyq belgileri joq. Onyń kim ekendigi anyqtalý ústinde. Ólimniń naqty sebebi sot-medıtsınalyq saraptamadan keıin belgili bolady.
Oblystyq densaýlyq saqtaý basqarmasynyń baspasóz qyzmeti jedel járdemniń saǵat 07.58-de shaqyrylǵanyn jetkizdi. Er adam jedel járdem kelgenge deıin qaıtys bolyp ketken.
Eske sala keteıik, budan buryn Oralda turǵyn úıde órt shyǵyp, eki adamnyń ýlanǵanyn jazǵan bolatynbyz.
