Oralda er adamdy uryp-soqqan kúzet qyzmetkerleri qamaýǵa alyndy
ORAL. QazAqparat – Oralda er adamdy uryp-soqqan jeke kúzet agenttiginiń qyzmetkerleri Aıan Kafızov pen Abzal Ádilov qamaýǵa alyndy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, bul ekeýine QR QK 106-baby 3-bóligine sáıkes (jábirlenýshiniń ólimine ákep soqqan densaýlyqqa qasaqana aýyr zııan keltirý) aıyp taǵylyp otyr.
Tergeý málimeti boıynsha oqıǵa ótken jylǵy 25 jeltoqsanda shamamen saǵat 05.00-de bolǵan.
Atalǵan kúzet qyzmetkerleri narkologııalyq dıspanser ǵımaratynda qoǵamdyq tártipti buzý jónindegi habarlama boıynsha kelgen. Oqıǵa barysynda jábirlenýshige aýyr dene jaraqattaryn keltirgen.
Bastapqyda tergeý sotynyń sýdıasy barlyq mán-jaılar anyqtalmaǵandyqtan, kúdiktilerdi qamaýǵa alý jónindegi ótinishti ishinara qanaǵattandyrdy. ıAǵnı 10 táýlikke qamady.
Qazirgi ýaqytta istiń qosymsha dáleldemeleri belgili bolǵandyqtan, kúdiktilerdi qamaý eki aıǵa uzartyldy.
Kúdiktilerdiń biri A.Kafızovqa qatysty 3 mln teńge mólsherinde kepil kólemi belgilendi. Ony engizgen jaǵdaıda bultartpaı ustaý sharasy ózgertiledi. Kepil mólsherin belgileýge bul kúdiktiniń ońdy minezdemesi, sottylyǵynyń joqtyǵy jáne turaqty meken-jaıynyń bar ekendigi negiz boldy.
Sot qaýlysy zańdy kúshine engen joq.
Ekinshi kúdikti Abzal Ádilov 2017 jyly kúzde shymkenttik beıtanys qyzǵa bir búıregin berip, aman alyp qalǵan bolatyn.
Aıta keteıik, BQO polıtsııa departamentiniń málimetine qaraǵanda, 25 jeltoqsan kúni saǵat 05.00-de «Omega» zaýyty aýdanyndaǵy «Kondensat» avtomaı quıý stansasynda er adamdy uryp jatqany jóninde habar túsedi.
Oqıǵa ornynan er adamnyń qanǵa boıalǵan denesi tabyldy. Qylmysqa kúdikti retinde bastapqyda «Sova» jeke kúzet qyzmetiniń bes qyzmetkeri ustaldy.
Oblystyq densaýlyq saqtaý basqarmasy baspasóz qyzmetiniń málimeti boıynsha 32 jastaǵy er adam oblystyq kópbeıindi aýrýhanaǵa apara jatqan mezette kóz jumdy.
