Oralda er adam velosıpedten qulap, kóz jumdy
ORAL. QazAqparat – Oral qalasynda er adam velosıpedten qulap, kóz jumdy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 10 maýsym kúni tańmen boldy.
«Shamamen tańǵy saǵat 07.00-de velosıpedpen kele jatqan 62 jastaǵy er adam qulap, mert boldy. Onyń qulap jatqanyn kórgen adamdar jedel járdem shaqyrǵan. Aldyn ala málimet boıynsha 1959 jylǵy er adam júrek talmasynan qaıtys bolǵan. Oqıǵa ornynda polıtsııa qyzmetkerleri jumys jasady», dep habarlady vedomstvodan.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn BQO-da júk poıyzy qaǵyp ketken er adamnyń aýrýhanaǵa jetkizilgenin jazǵan bolatynbyz.
Sondaı-aq Oral-Aqsaı jolynda polıtsııa qyzmetkeri mert boldy.
