Oralda er adam shuńqyrǵa qulap ketti
ORAL. QazAqparat – Oralda er adam shuńqyrǵa qulap ketti, dep habarlaıdy QazAqparat tilshisi.
BQO TJ departamenti jedel qutqarý jasaǵynyń bas qutqarýshy-psıhology Leıla Ábdirahmanovanyń aıtýynsha, oqıǵa 21 shilde kúni boldy.
Et kombınaty aýdany Fızkýltýrnaıa kóshesinde 1971 jylǵy er adam abaısyzda septıkke arnalyp qazylǵan, tereńdigi 2,5 metr shuńqyrǵa qulaǵan.
Oqıǵa bolǵan jerge №2 jedel qutqarý jasaǵynyń qutqarýshylary (4 adam, 1 tehnıka) jetip, alpınıstik jabdyqtar men qutqarý oramasynyń kómegimen zardap shegýshini shuńqyrdan alyp shyqty.
Er adam medıtsınalyq jedel járdem brıgadasyna tapsyryldy. Oqıǵanyń mán-jaıyn ýchaskelik polıtsııa ınspektory anyqtady.
Oblystyq densaýlyq saqtaý basqarmasynan túsken málimetke qaraǵanda, jedel járdem 18.25-te shaqyryldy. Jaraqat alǵan er adam oblystyq kópbeıindi aýrýhanaǵa jetkizildi.
