Oralda er adam óziniń áıelin pyshaqtap óltirdi
ORAL. QazAqparat – Oralda er adam óziniń áıelin pyshaqtap óltirdi, dep habarlaıdy QazAqparat tilshisi.
BQO Polıtsııa departamentiniń resmı ókili Bolatbek Belgibekovtiń málim etkenindeı, qaıǵyly oqıǵa búgin Orda kóshesinde boldy.
«1991 jylǵy er adam áıelin pyshaqtaǵan. Kúdikti shamamen saǵat 17.00-de Abaı dańǵyly boıyndaǵy jabyq muz aıdyny saraıy tusynda ustaldy. Qazirgi kezde tergeý amaldary júrgizilýde. Qosymsha aqparat keıin beriletin bolady», - dedi QazAqparat tilshisine B.Belgibekov.
Oblystyq densaýlyq saqtaý basqarmasy baspasóz qyzmetiniń naqtylaýynsha, Orda kóshesi, 1/1 mekenjaıyna jedel járdem saǵat 16.46-da shaqyryldy.
Jedel járdem brıgadasy oqıǵa ornyna jetkenshe, zardap shekken áıeldi aýrýhanaǵa alyp ketken.
Polıtsııa qyzmetkerleri 30 jastaǵy áıeldi qalalyq kópbeıindi aýrýhanaǵa jetkizgen. Birneshe márte (aldyn ala málimetke qaraǵanda, 18 ret) pyshaq suǵylǵan ol aýrýhanada kóz jumdy.
Eske sala keteıik, budan buryn Oralda kópirden sekirmek bolǵan er adamnyń qutqarylǵanyn jazǵan edik.
