Oralda er adam óz páterine 100-ge jýyq adamdy tirkegen

ORAL. KAZINFORM – Oral qalasynda er adam óz páterine 95 adamdy tirkegen.

BQO Polıtsııa departamentiniń baspasóz qyzmetinen málim etkenindeı, kóshi-qon polıtsııasynyń qyzmetkerleri azamattardy tirkeý salasynda zań buzýshylyqtardy anyqtady. Atap aıtqanda, Oral qalasyndaǵy páterlerdiń birinde onda naqty turmaıtyn 95 adamnyń tirkelgeni belgili boldy.

- Páter ıesine qatysty ákimshilik shara qoldanyp, aıyppul salyndy. QR Ákimshilik quqyq buzýshylyq týraly kodeksiniń 493-babyna sáıkes turǵyn úı-jaılardyń ıeleri azamattardy zańsyz tirkegen árbir derek úshin jaýapqa tartylýy múmkin. Sonymen qatar bir jyl ishinde qaıtalap buzý jaýapkershilikti kúsheıtýge ákep soǵady. Budan basqa, jeke basyn kýálandyratyn qujattarsyz nemese tirkeýsiz turatyn adamdar kodekstiń 492-baby boıynsha jaýapkershilikke tartylady. Bir jyl ishinde qaıtalanǵan buzýshylyqtar úshin qatań sanktsııalar qarastyrylǵan, - dep habarlady vedomstvodan.

Eske sala keteıik, budan buryn BQO-da otbasyndaǵy zorlyq-zombylyq nelikten 3 ese kóbeıgenin jazǵan bolatynbyz.