Oralda er adam kóshede ózine-ózi pyshaq jumsamaq bolǵan

Oral qalasynda er adam kóshede ózine-ózi pyshaq jumsamaq bolǵan. Ony polıtsııa qyzmetkerleri qutqaryp qaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 28 qyrkúıek kúni shahar ortalyǵynda boldy.

"N.Nazarbaev dańǵyly boıynda "ıÝbıleınyı" aıaldamasynda belgisiz er adamnyń tamaǵyna pyshaq taqap, ózine-ózi qol jumsamaqshy bolǵany jóninde habar túsken. Oqıǵa ornyna Oral qalasy polıtsııa basqarmasy patrýldik polıtsııa batalonynyń ekıpajy jedel jetken. Tártip saqshylarynyń biri, polıtsııa kishi leıtenanty Jasulan Balmaǵambetov er adamdy sózge tartyp, kóńilin aýlaǵan. Taǵy bir polıtsııa kishi leıtenanty Muhammadrasýl Rashıdov artynan kelip, sýyq qarýdy tartyp alyp, jerge qulatady. Tekserý kezinde ustalǵan azamattyń Oral qalasynyń 39 jastaǵy turǵyny ekeni, biraz ýaqyttan beri sozylmaly dertpen esepte turǵany anyqtaldy. Oqıǵa ornynan alynǵan pyshaq tárkilendi. Túsinikteme bergen turǵyn aýrýdan sharshaǵandyqtan, osyndaı qadamǵa eriksiz barǵanyn aıtty. Qazirgi kezde ol Oral qalasynyń ýaqytsha beıimdeý ortalyǵyna ornalastyryldy", dep habarlady vedomstvodan.

Atalǵan oqıǵany kýágerler beınejazbaǵa túsirip, áleýmettik jelide taratyp úlgergen. Beınetúsirilim kóptegen qaralym jınap, qoldanýshylarǵa polıtsııa qyzmetkerleriniń áreketine oń pikir bildirdi.

Eske sala keteıik, budan buryn Oral qalasynyń turǵyny úsh kúnde jol erejesin 23 ret buzǵanyn jazǵan bolatynbyz.