Oralda er adam gazdan ýlanyp, kóz jumdy
ORAL. QazAqparat – Oralda er adam gazdan ýlanyp, kóz jumdy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 4 qarasha kúni «Zenıt» baý-baqsha seriktestiginde boldy.
Saǵat 10.00-de 62 jastaǵy er adamnyń gazdan ýlanyp, qaza bolǵany tirkelgen. Marqumnyń denesinde zorlyq-zombylyq belgileri joq.
Bul oqıǵa boıynsha Abaı polıtsııa bólimi tergeý amaldaryn júrgizýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 1957 jylǵy er adam jedel járdem kelgenge deıin qaıtys bolǵan.
Orta dárejeli gazdan ýlanǵan 1996 jáne 1995 jylǵy jigitter qalalyq kópbeıindi aýrýhanaǵa jetkizildi.
Eske sala keteıik, budan buryn BQO-da órt ornynan 95 jastaǵy keıýananyń múrdesi tabylǵanyn jazǵan bolatynbyz.
