Oralda er adam domkraty taıyp ketken avtobýs astynda qaldy
ORAL. QazAqparat - Búgin Oralda er adam avtobýsty jóndeý kezinde onyń astynda qalyp, kóz jumdy, dep habarlaıdy «QazAqparat» tilshisi.
Kýágerlerdiń sózine qaraǵanda, qaıǵyly oqıǵa Jáńgir han kóshesi boıynda, Shaǵan ózeninen ótetin kópir men Zachagan kenti aralyǵynda bolǵan. №2 baǵytta júretin avtobýs synyp qalyp, ony jóndeýge maman shaqyrylǵan. Er adam avtobýstyń astynda jatyp, jóndep jatqan kezde domkrat taıyp ketken.
Qazirgi kezde oqys oqıǵanyń mán-jaıy anyqtalý ústinde.
Eske sala keteıik, keshe keshkisin Oralda «Kıa» avtokóligi «Saıahat» aıaldamasynda №43 baǵytta júretin avtobýspen túıisip, tórt adamnyń jaraqat alǵandyǵyn jazǵan bolatynbyz. Munda «Kıa» kóliginiń júrgizýshisi rýlge ıe bola almaı, qarsy betke shyǵyp ketip, avtobýspen soqtyǵysýǵa jol bergen.
