Oralda er adam basyna muz qulap mert boldy
ORAL. QazAqparat - Oral qalasynda er adam basyna bıiktikten muz qulap, mert boldy, dep habarlaıdy QazAqparat tilshisi.
Oqıǵa búgin qala ortalyǵynda, Karev aıaldamasy mańynda boldy.
Oblystyq densaýlyq saqtaý basqarmasynyń basshysy Qanat Tósekbaevtyń aıtýynsha, er adamnyń jasy 70-te. Ol arnaıy lentanyń kerilip turǵanyna qaramastan, qaýipti tustan ótken.
Jedel járdemge shaqyrtý saǵat 11.58-de túsken. Sol tusta ótip bara jatqan jedel járdem brıgadasy oqıǵa ornyna eki mınýttan keıin jetken. Basynan jaraqat alyp, moınyna zaqym kelgen er adam jedel járdem kóliginde kóz jumdy. 
