Oralda er adam balalardyń kózinshe ıtti pyshaqtap óltirdi

ORAL. QazAqparat – Oral qalasynda er adam balalardyń kózinshe ıtti pyshaqtap óltirdi, dep habarlaıdy QazAqparat tilshisi.

Instagram áleýmettik jelisinde janýarlardy qorǵaý jónindegi Inucobo qaýymdastyǵy málim etkenindeı, er adam pyshaqpen qalada erkin serýendep júrgen.

«Bári balalardyń kózinshe boldy. Volonterlar shaǵym túsirdi, biraq olar polıtsııa qyzmetkerleriniń isti jan-jaqty qaraǵysy kelmeýine narazy», delingen jazbada.

BQO polıtsııa departamentiniń baspasóz qyzmeti oqıǵanyń 5 tamyzǵa qaraǵan túni saǵat 00.30-da Gagarın kóshesi 36/2-mekenjaıynda ornalasqan turǵyn úıdiń aýlasynda bolǵanyn jetkizdi.

«Er adam ıtti pyshaqtap óltirgen. Qabyldanǵan sharalar nátıjesinde kúdikti anyqtaldy. Oral qalasy polıtsııa basqarmasy QR QK 316-babyna (janýarlarǵa qatygezdikpen qaraý) sáıkes tergeý amaldaryn júrgizýde», dep habarlady vedomstvodan.

Eske sala keteıik, budan buryn Batys Qazaqstan oblysynda úsh adamnyń sýǵa ketkenin jazǵan bolatynbyz.