Oralda er adam altynshy qabattan qulap ketti
ORAL. QazAqparat - Oralda er adam altynshy qabattan qulap ketti, dep habarlaıdy QazAqparat tilshisi.
Oqıǵa 14 qarasha kúni tańda Dostyq dańǵyly 226-mekenjaıyndaǵy toǵyz qabatty úıde oryn aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, jedel járdem saǵat 05.39-da shaqyryldy. Brıgada oqıǵa ornyna 05.42-de jetken.
«Altynshy qabattan qulaǵan 1970 jylǵy er adam jedel járdem kelgenshe kóz jumdy», dedi A.Saqposynova.
Er adam ózi sekirip ketti me, álde basqalaı jaǵdaı boldy ma, qazirgi kezde oqıǵanyń mán-jaıy anyqtalý ústinde.
