Oralda elektr jóndeýshi maman tok soǵyp, mert boldy
ORAL. QazAqparat – Oralda elektr jóndeýshi tok soǵyp, mert boldy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, oqıǵa 12 maýsym kúni saǵat 11.04-te Nazarbaev dańǵyly boıynda bolǵan.
Elektr baǵanynda óz qyzmetin atqarý kezinde elektr jóndeýshini tok soqqany jóninde habar túsken.
Jedel qutqarý jasaǵynyń 4 qyzmetkeri men bir tehnıka oqıǵa ornyna shuǵyl jetti.
Ókinishke qaraı, otyz jastaǵy elektr jóndeýshini qutqaryp qalý múmkin bolmady.
Elektr júıesi qyzmetkerlerimen birge arnaıy tehnıkanyń kómegimen marqum jerge túsirilip, denesi quzyrly mekemege tapsyryldy.
