Oralda eki júk kóliginiń arasyna qystyrylyp qalǵan júrgizýshi mert boldy
ORAL. QazAqparat – Oralda eki júk kóliginiń arasyna qystyrylyp qalǵan júrgizýshi mert boldy, dep habarlaıdy QazAqparat tilshisi.
BQO Polıtsııa departamentiniń resmı ókili Bolatbek Belgibekovtiń málim etkenindeı, oqıǵa 18 qarasha kúni saǵat 01.00 shamasynda «Qus fabrıkasy» shaǵynaýdanyndaǵy «Alataý» kempıngi tusynda boldy.
Túrkistan oblysynyń 34 jastaǵy týmasy óziniń júk kóliginiń artqy shamdaryn súrtip, qarap jatqan kezde kólik jyljyp ketken. Sóıtip ony kelesi júk kóligine qysyp tastaǵan.
Qazirgi ýaqytta bul derek oqys jaǵdaı retinde tirkelip otyr.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 01.00-de shaqyryldy. Er adam jedel járdem kelgenge deıin kóz jumdy.
Eske sala keteıik, budan buryn Oralda jol apatynan 10 jasar balanyń qaza tapqanyn jazǵan edik.
