Oralda eki jol apatynan keıin 7 adam aýrýhanaǵa jetkizildi
BQO polıtsııa departamentiniń baspasóz qyzmeti málim etkendeı, keshe túste Dáýletkereı men Muhıt kósheleriniń qıylysynda Chevrolet, VAZ-2115 jáne VAZ-2109 avtokólikteri túıisti.
Sondaı-aq sol shamada Qurmanǵazy kóshesi boıynda «Temirlan» dúkeni janynda 1994 jylǵy áıel aıdap kele jatqan Lifan men 33 jastaǵy er adam rýlinde bolǵan Lexus avtokólikteri soqtyǵysty.
Oqıǵa ornynda polıtsııa qyzmetkerleri jumys jasady.
BQO densaýlyq saqtaý basqarmasynyń naqtylaýynsha, Muhıt pen Dáýletkereı kóshesi qıylysyndaǵy jol apatynan keıin 2021 jylǵy kishkentaı bala oblystyq kópbeıindi balalar aýrýhanasyna jetkizilgenimen, jaraqaty bolmaǵandyqtan, úıine jiberildi. Aldyn ala málimet boıynsha 1995 jylǵy áıel men 1982 jylǵy er adam jabyq bas-mı jaraqatyn alyp, mılary shaıqaldy.
Qurmanǵazy kóshesindegi jol apaty saldarynan zardap shekken 2020 jylǵy eki qyz balanyń bireýi ambýlatorlyq em alý úshin úıine qaıtsa, bilegi synǵan ekinshisi aýrýhanaǵa jatqyzyldy. Sondaı-aq aldyn ala málimet boıynsha 1991 jáne 1965 jylǵy áıel adamdar jabyq bas-mı jaraqatyn alyp, mılary shaıqalǵan. Basqa da jaraqattary bar.
Eresek adamdar oblystyq kópbeıindi aýrýhanaǵa jetkizildi.
Qazirgi kezde eki oqıǵanyń jaı-japsary anyqtalý ústinde.
Eske sala keteıik, budan buryn Batys Qazaqstanda tórt adamǵa qasqyr shapqanyn, jol apatynan kishkentaı balanyń kóz jumǵanyn jazǵan bolatynbyz.