Oralda eki jigit jolaı ótip bara jatqan áıeldi ormanǵa aparyp zorlaǵan
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa Oralda saıajaılardyń biriniń mańyndaǵy ormanda bolǵan.
Keshki ýaqytta L. esimdi 1989 jylǵy áıel sol tustan ótip bara jatqan kezde araq iship otyrǵan eki turǵynnyń biri ony baıqap qalǵan.
Sodan keıin ony qýyp jetip, tamaǵynan ustap, ormanǵa kirgizip, zorlaǵan. Sosyn kúsh kórsetip, araq ishkizgen.
Eger polıtsııaǵa shaǵymdanatyn bolsa, kek alamyz dep qorqytqan.
Zorlyqshylardan qashyp qutylǵan áıel úıine barǵannan keıin túngi saǵat 01.00-ge taman polıtsııaǵa júgingen.
Jedel tergeý toby oqıǵa ornyna jetip, qaraǵannan keıin úsh saǵat ótken soń kúdiktiler qalada qolǵa tústi.
Olar kópqabatty úıdiń aýlasynda araq ishýin jalǵastyrǵan.
«Qazirgi kezde tergeý ızolıatorynda otyrǵan Bórli aýdanynyń 1988 jylǵy I. jáne Oral qalasynyń 1975 jylǵy Y. degen turǵynyna qatysty QR QK 120-baby 2-bóligine sáıkes (zorlaý) tergeý amaldary júrgizilýde. Ekeýi de buryn urlyq jasap, kisi tonaǵany úshin sottalǵan», dedi B.Belgibekov.
Eske sala keteıik, budan buryn Oralda er adamnyń satýshy áıeldi qyzynyń kózinshe pyshaqtap ketkenin jazǵan bolatynbyz.