Oralda eki jeńil, bir júk kóligi soqtyǵysyp qaldy
ORAL. QazAqparat - Oralda úsh avtokólik soqtyǵysyp, eki adam jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe Zachagan kentinde bolǵan.
Jáńgir han kóshesinen qus fabrıkasyna qaraı burylar tusta eki jeńil, bir júk kóligi soqtyǵysqan.
Jedel járdem saǵat 17.30-da shaqyrylyp, alty mınýttan keıin jetti.
Jol apaty saldarynan eki adam zardap shekti. 1980 jylǵy áıel adam men 2007 jylǵy qyz bala oblystyq kópbeıindi aýrýhanaǵa jetkizildi.
Qazirgi kezde oqıǵanyń anyq-qanyǵy anyqtalý ústinde.
