Oralda eki turǵyn úıde órt bolyp, 17 adam evakýatsııalandy
BQO TJ departamentiniń baspasóz qyzmetinen túsken málimetke qaraǵanda, oqıǵa 2 qazan kúni boldy.
Saǵat 16.02-de Gagarın kóshesi 105/2-mekenjaıynda ornalasqan tórt qabatty úıden órt shyqqany jóninde habar túsken.
Turǵyn úıdiń 26-páterinde asúıde jıhaz ben jeke zattar otqa orandy.
Oqıǵa ornynan 9 adam shyǵaryldy, onyń tórteýi - balalar. Atalǵan páter ıesi - áıel adam qutqaryldy.
Órt departament kúshimen (7 qyzmetker, 2 tehnıka) 16.25-te sóndirildi.
Sonymen qatar keshe saǵat 22.12-de Zachagan kenti Jáńgir han kóshesi 43-mekenjaıynda 9 qabatty jataqhanadan órt shyqty.
Jáńgir han atyndaǵy Batys Qazaqstan agrarlyq-tehnıkalyq ýnıversıteti jataqhanasynyń ekinshi qabatyndaǵy 215-bólmede jeke zattar jandy. Oqıǵa ornynan 8 stýdent evakýatsııalandy.
Zardap shekkender joq.
«Tilsiz jaý» saǵat 22.57-de aýyzdyqtaldy. Órtti sóndirýge 9 qyzmetker 3 tehnıkamen jumyldyryldy.
Qazirgi kezde órt oqıǵalarynyń shyǵý sebebi, keltirilgen shyǵyn anyqtalý ústinde.
Eske sala keteıik, Oralda tok soqqan 26 jastaǵy jumysshynyń qaza tapqanyn jazǵan bolatynbyz.
