Oralda eki kúnde 2 er adamnyń denesi tabyldy

ORAL. QazAqparat – Oral qalasynda eki kúnde 2 er adamnyń múrdesi tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, birinshi oqıǵa 11 shilde kúni bolǵan.

Saǵat 17.30-da Isataı-Mahambet kóshesi 79-úıdiń janynan 68 jastaǵy er adamnyń múrdesi tabyldy. Onyń denesinde zorlyq-zombylyq belgileri bolmaǵan.

Atalǵan azamat bıylǵy 4 maýsymnan bastap iz-túzsiz joǵalyp ketip, izdestirilgen.

Sondaı-aq 12 shilde kúni saǵat 10.30-da H.Chýrın kóshesi boıyndaǵy úıdiń páterinen 63 jastaǵy er adamnyń denesi tabyldy.

Máıit sot-medıtsınalyq saraptamaǵa jiberildi.

«Eki derek te sotqa deıingi tergep-tekserýdiń biryńǵaı tiziliminde tirkeldi», dep habarlady vedomstvodan.

Eske sala keteıik, budan buryn Oralda avtokólik qaǵyp ketken 64 jastaǵy er adamnyń mert bolǵanyn jazǵan edik.