Oralda eki kúnde 2 bala terezeden qulap ketti
ORAL. QazAqparat – Oralda eki kúnde 2 bala kópqabattyń úıdiń terezesinen qulap ketti, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń málim etkenindeı, birinshi oqıǵa 10 maýsym kúni saǵat 14.58-de «Soltústik-shyǵys» aýdanyndaǵy bes qabatty úıde oryn aldy.
Úsh jasar er bala terezeden qulap ketken. Sondaı-aq 11 maýsym kúni saǵat 11.05-te Vokzalnaıa kóshesinde bes qabatty úıdiń terezesinen 2019 jylǵy qyz bala qulaǵan.
Olardyń ekeýi de ata-analarynyń qaraýynsyz qalǵan. Qos sábı de aýrýhanaǵa jatqyzyldy.
«Mundaı oqıǵalardyń kópshiligi kishkentaı balalardyń qaraýsyz qalýynan týyndap otyr. Ózimen-ózi qalǵan baldyrǵandar jıhaz ne basqa buıymdar arqyly terezege shyǵyp, torǵa súıengende, qulap ketedi. Sondyqtan ata-analardan balalardy qaraýsyz qaldyrmaýdy, terezeni ashyq tastamaýdy suraımyz», dedi E.Tóregeldıev.
BQO densaýlyq saqtaý basqarmasynyń naqtylaýynsha, birinshi qabattyń terezesinen qulap ketken eki bala da qazir oblystyq kópbeıindi balalar aýrýhanasynyń travmatologııalyq bólimshesinde jatyr. Ekeýi de jabyq bas-mı jaraqatyn alǵan, mılary shaıqalǵan, jaǵdaılary ortasha aýyr, esterin biledi. Oǵan qosa er bala mańdaı tusynan jaraqat alǵan.
Eske sala keteıik, budan buryn aýlasynda qoqys órtegen Oral turǵynynyń aýrýhanaǵa túskenin jazǵan bolatynbyz.
