Oralda eki kópqabatty turǵyn úıden órt shyǵyp, 20-ǵa jýyq adam evakýatsııalandy
ORAL. QazAqparat – Oral qalasynda eki kópqabatty turǵyn úıden órt shyǵyp, 20-ǵa jýyq adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, oqıǵa 8 tamyz kúni boldy.
Saǵat 14.48-de Qurmanǵazy kóshesi 102-mekenjaıynda páterden tútin shyǵyp jatqany jóninde habar túsken. №55 páterdiń asúıinde tońazytqysh, qysqa tolqyndy pesh, jıhaz jandy.
Oqıǵa ornynan 12 adam shyǵarylsa, sonyń tórteýi – balalar.
«Tilsiz jaý» 15.00-de aýyzdyqtaldy.
Sol sekildi saǵat 15.51-de Jambyl kóshesi 40/2-mekenjaıynda 9-qabatta balkon órtengen. №74 páterdiń balkonynda jeke zattar men tereze jaqtaýy otqa oranǵan.
Bes adam evakýatsııalansa, sonyń bireýi – bala.
Munda órt saǵat 16.17-de sóndirildi.
Zardap shekkender joq.
Eske sala keteıik, budan buryn Oralda bir kúnde eki kisi óltirý deregi tirkelgenin jazǵan bolatynbyz.
