Oralda eki kólik soqtyǵysyp, júrgizýshi mert boldy
ORAL. QazAqparat – Oral qalasynda jol apatynan júrgizýshi qaza tapty, dep habarlaıdy QazAqparat tilshisi.
BQO Polıtsııa departamentiniń resmı ókili Bolatbek Belgibekovtiń málim etkenindeı, oqıǵa 13 qarasha kúni saǵat 16.11 shamasynda Ábilqaıyr han dańǵyly men Tsıolkovskıı kóshesiniń qıylysynda boldy.
«Jaıyq» bazary mańynda «Nıva» jáne «Lada Largýs» avtokólikteri túıisti.
Sonyń saldarynan «Lada Largýs» kóliginiń 41 jastaǵy júrgizýshisi túrli dene jaraqattarymen aýrýhanaǵa jetkizilgenimen, keıin osynda kóz jumdy.
Jyl basynan beri óńirde 250 oqıǵa saldarynan 57 adam mert bolyp, 299-y jaraqat aldy.
«Júrgizýshiler jol júrý kezinde barynsha muqııat bolyp, jyldamdyq rejımin, qaýipsiz araqashyqtyqty saqtaýy kerek. Qolaısyz aýa raıy da jol-kólik oqıǵalarynyń kóbeıýine áser etýde. Sonyń saldarynan jaıaý júrginshiler ózderine jaqyndap qalǵan avtokólikti kóre almaı qalýy, keıde oqys qımyl jasaýy múmkin. Sondyqtan júrgizýshilerdi jaıaý júrginshiler ótetin jerlerde jyldamdyqty meılinshe azaıtyp, saq bolýǵa shaqyramyz», dedi QazAqparat tilshisine B.Belgibekov.
Eske sala keteıik, budan buryn BQO-da bir kúnde jol apatynan úsh adamnyń qaza tapqanyn jazǵan bolatynbyz.
