Oralda eki kólik soǵylyp, 3 adam aýrýhanaǵa tústi
BQO polıtsııa departamenti baspasóz qyzmetinen túsken málimetke qaraǵanda, oqıǵa 22 qyrkúıek kúni shamamen saǵat 11.15-te Zachagan kentindegi Jáńgir han men S.Aıtqulov kósheleriniń qıylysynda boldy.
«Lada Grantanyń» 43 jastaǵy júrgizýshisi avtokólik rýline ıe bola almaı, baǵdarshamda toqtap turǵan «VAZ-2115» avtokóligin (júrgizýshisi 34 jasta) túıgen.
Jol apaty saldarynan eki júrgizýshi men «VAZ-2115» avtokóliginde otyrǵan jolaýshy túrli jaraqat aldy.
Qazirgi kezde oqıǵanyń jaı-japsary anyqtalý ústinde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jaraqat alǵan úsh er adam oblystyq kópbeıindi aýrýhanaǵa jetkizildi. Dárigerler qaraǵannan keıin ambýlatorııalyq em alýǵa jiberildi.
Eske sala keteıik, budan buryn Oralda polıtseılerden qashqan mas júrgizýshiniń ormanǵa kirip ketkenin jazǵan bolatynbyz.
Sondaı-aq Oralda 28 jastaǵy kelinshek jańa týǵan sábıin satyp jibergen.