Oralda eki eresek adam kópqabatty úıdiń terezesinen qulap tústi
ASTANA. 14 qańtar. QazAqparat - Keshe Oral qalasynda arasyna 5 mınýt salyp eki oqys oqıǵa oryn aldy, dep habarlaıdy mgorod.kz portaly.
Oral qalalyq ІІB basshysy Manarbek Ǵabdýllınniń aıtýynsha, shamamen keshki saǵat 20.45-terde Soltústik-Shyǵys shaǵyn aýdanyndaǵy kópqabatty úıdiń 3-qabatyndaǵy balkonnan 49 jastaǵy oraldyq azamat qulap ketken. Páterde bireýdiń týǵan kúni toılaǵan er adam balkonǵa temeki tartýǵa shyǵyp, baıqaýsyzda qulap ketken. Ol aýrýhanaǵa bara jatqan jolda jan tapsyrdy. Ekinshi oqıǵa Oraldyń 5-shaǵyn aýdanynda oryn aldy. 5-qabattyń terezesinde shylym shegip, telefonmen sóılesip otyrǵan 26 jastaǵy jigit jerge qulap tústi. Abyroı bolǵanda, jas jigittiń jany aman qaldy. Qazir ol oblystyq aýrýhananyń hırýrgııalyq bóliminde jatyr.
