Oralda eki eldiń azamattyǵyn alǵan áıel iri kólemde aıyppul tóleıdi
ORAL. QazAqparat - Oralda qos eldiń azamattyǵyn alyp júrgen áıel iri kólemde aıyppul tóleıdi, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, atalmysh áıel Reseı eliniń azamattyǵyn alǵany jóninde ýaqtyly habarlamaǵan. Ol QR azamattyǵynan 2015 jyly aıyrylǵan, sodan beri júre bergen.
Áıel óz kinásin moıyndaı otyryp, azamattyq týraly zańnamany tolyq bilmeıtinin alǵa tartty. Endi ol Oral qalasy mamandandyrylǵan ákimshilik sotynyń qaýlysyna sáıkes 336 700 teńge kóleminde aıyppul tóleıdi.
Aıta keteıik, «Azamattyq týraly» QR Zańynyń talaptaryna sáıkes ózge eldiń azamattyǵyn alǵan adam otyz kún ishinde bul jóninde tıisti organdarǵa habarlap, QR azamatynyń tólqujaty nemese jeke kýáligin tapsyrýǵa mindetti. Bul zań talaptaryn buzǵan jaǵdaıda QR Ákimshilik quqyqbuzýshylyq kodeksi 496-baby 2-bóligine sáıkes 200 AEK kóleminde aıyppul salynady nemese el aýmaǵynan shyǵarylady.
