Oralda eki bozbala esirtkimen ustaldy
ORAL. QazAqparat - BQO ІІD esirtki bıznesimen kúres basqarmasynyń qyzmetkerleri «Dıana» aıaldamasy qasynda «Folksvagen Týareg» markaly avtokóligin toqtatqan kezde kámeletke tolmaǵan 1999 jáne 2001 jylǵy eki bozbalany esirtkimen ustady, dep habarlaıdy «QazAqparat» tilshisi.
Departamenttiń baspasóz qyzmetinen túsken málimetke qaraǵanda, olardyń qaltasynan 255,9 gramm jáne 89,9 gramm keptirilmegen marıhýana tabylǵan.
Qazirgi kezde atalǵan derek boıynsha QR QK 296-baby 2-bóligine sáıkes qylmystyq is qozǵaý máselesi qarastyrylýda.
Sonymen qatar sońǵy kezderi uıaly telefondy sóılesemin dep surap alyp, jymqyryp ketýshiler de kóbeıip otyr. 20 qyrkúıek kúni keshki saǵat 20.00 shamasynda 1992 jylǵy turǵyn kóshede 60 jastaǵy zeınetker áıeldiń senimine kire otyryp, «Samsýng-Galaksı J-5» telefonyn urlap ketken. 21 qyrkúıek kúni budan buryn da birneshe ret tártip saqshylarynyń qolyna túsken 1991 jylǵy turǵyn 1977 jylǵy áıelden bireýge qońyraý shalý úshin telefonyn surap, ıelenip alǵan.
Jedel sharalar nátıjesinde kúdiktiler qolǵa túsip, QR QK 190-baby 1-bóligine (aalıaqtyq) sáıkes tergeý amaldary júrgizilýde.
