Oralda eki bala analarymen birge ysty gazǵa ýlanyp qaldy
ORAL. QazAqparat - Búgin Oral qalasyndaǵy kópqabatty úılerdiń birinen órt shyǵyp, eki bala men áıel ýlandy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, Á.Áıtıev kóshesindegi úıde bolǵan órtke qatysty qońyraý jedel járdemge saǵat 18.23-te shalynǵan.
Órt týraly habar saǵat 18.01-de túsip, saǵat 18.28-de qos birdeı brıgada oqıǵa ornyna jetken.
Tilsiz jaý saldarynan úsh adam zardap shekti. Kómirqyshqyl gazyna ýlanǵan 1 jáne 6 jasar sábıler 1987 jyly týǵan analarymen birge oblystyq kópbeıindi balalar aýrýhanasyna jetkizildi.
Qazirgi kezde balalardyń jaǵdaıy turaqty, kezekshi pedıatrdyń baqylaýynda, jatqyzýdy qajetsinbeıdi. Oblystyq TJ departamenti baspasóz qyzmetiniń naqtylaýynsha, Á.Áıtıev kóshesi 70/1 mekenjaıynyń 2-kireberisinde 1 qabattan 5 qabatqa deıin elektr kabeli janǵan. Oqıǵa ornynan 37 adam evakýatsııalansa, sonyń 15-i - balalar. Órt 18.56-da oqshaýlanyp, 19.20-da tolyqtaı sóndirilgen.
