Oralda eki áıel pyshaq jaraqatymen aýrýhanaǵa jetkizildi
ORAL. QazAqparat – Oral qalasynda eki áıel pyshaq jaraqatymen aýrýhanaǵa jetkizildi, dep habarlaıdy QazAqparat tilshisi.
Oblystyq densaýlyq saqtaý basqarmasynan túsken málimetke qaraǵanda, oqıǵa búgin qalaǵa qarasty Jelaev aýylynda boldy.
1953 jylǵy áıel sol jaq keýde tusynan, 1989 jylǵy áıel oń jaq ıyǵynan jaraqat aldy. Ekeýi de oblystyq kópbeıindi aýrýhananyń jaraqat pýnktine jetkizildi.
Oblystyq polıtsııa departamentiniń baspasóz qyzmeti oqıǵany rastap, qazirgi kezde jaı-japsary anyqtalyp jatqanyn málimdedi.
Turǵyndardyń sózine qaraǵanda, áıelderge jaqyn bolyp keletin er adam mas kúıinde pyshaq ustaǵan. Pyshaqty tartyp almaq bolǵan kezde áıelder jaraqat alǵan.
