Oralda eki avtokólik túıisip, júrgizýshi qaza tapty
BQO polıtsııa departamentiniń baspasóz qyzmeti málim etkenindeı, oqıǵa 5 qyrkúıek kúni shamamen saǵat 11.30-da Jáńgir han kóshesi boıynda boldy.
«Aýdı» avtokóliginiń 34 jastaǵy júrgizýshisi jol qozǵalysy qaýipsizdigin qamtamasyz etpeı, qarsy betke shyǵyp ketken. Sonyń saldarynan «Nıssan» avtokóligimen betpe-bet soqtyǵysty.
Jol apatynan «Nıssan» avtokóliginiń 33 jastaǵy júrgizýshisi oqıǵa ornynda kóz jumdy.
«Aýdı» avtokóliginiń júrgizýshisi jansaqtaý bólimine jetkizildi.
Jol apatynan «Nıssan» avtokóliginiń jolaýshysy da zardap shekti. Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, er adamnyń biri jedel járdem kelgenge deıin qaıtys bolsa, qalǵan ekeýi túrli jaraqat aldy. 1988 jylǵy er adam jabyq bas-mı jaraqatyna qosa mıy shaıqalyp, murny men bilek súıegi synǵan. 1987 jylǵy er adam da jabyq bas-mı jaraqatyna qosa mıy shaıqalyp, oń jaq jilinshigi synǵan.
Avtokólikterde qystyrylyp qalǵan júrgizýshilerdi BQO TJ departamenti jedel qutqarý jasaǵynyń qutqarýshylary shyǵardy.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.
BQO polıtsııa departamenti jolda qaýipsizdikti umytpaı, jyldamdyqty asyrmaý qajettigin eske salady.
Kýágerlerdiń sózine qaraǵanda, Shaǵan ózeninen ótetin kópir men Zachagan kenti arasynda bolǵan jol apaty saldarynan osy mańda keptelis oryn aldy.
Eske sala keteıik, budan buryn Oralda kisi óltirgen kúdiktiniń izdestirilip jatqanyn jazǵan edik.
Sondaı-aq Oralda jastar jappaı tóbelesti.