Oralda eki avtokólik túıisip, úsh adam jaraqat aldy
ORAL. QazAqparat - Oralda eki avtokólik soqtyǵysyp, úsh adam jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa búgin Gastello men Q.Mıhanova kósheleriniń qıylysynda boldy.
Jedel járdem saǵat 14.42-de shaqyryldy.
Jol apaty saldarynan túrli jaraqat alǵan 36 jáne 51 jastaǵy áıelder, sondaı-aq 9 jasar qyz bala qalalyq kópbeıindi aýrýhanaǵa jetkizildi.
Oblystyq polıtsııa departamentiniń baspasóz qyzmeti oqıǵany rastap, mán-jaıy anyqtalyp jatqanyn aıtty.
Eske sala keteıik, budan buryn BQO-da Toiota Kamri men «KamAZ» avtokóligi soqtyǵysyp, úsh adamnyń qaza tapqanyn jazǵan bolatynbyz.
