Oralda eki avtokólik túıisip, 2 adam zardap shekti
ORAL. QazAqparat – Oralda eki avtokólik túıisip, bireýi aryqqa túsip ketti, dep habarlaıdy QazAqparat tilshisi.
Zardap shekken eki adamnyń jaǵdaıy ortasha aýyr.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa búgin saǵat 16.10-da 8 naýryz ben Karev kósheleriniń qıylysynda boldy.
«Aýdı» men «VAZ-2110» avtokólikteri soqtyǵysqan. Sonyń saldarynan «VAZ-2110» avtokóligi aryqqa túsip ketken. Osy kóliktiń júrgizýshisi men onyń júkti áıeli jaraqat alyp, jedel járdemmen oblystyq kópbeıindi aýrýhanaǵa jetkizildi.
Aldyn ala málimet boıynsha jol erejesin «Aýdı» avtokóliginiń júrgizýshisi buzǵan.
Qazirgi kezde oqıǵanyń jaı-japsary anyqtalý ústinde.
BQO densaýlyq saqtaý basqarmasy jol-kólik oqıǵasynan er adam men onyń aıaǵy aýyr zaıyby jaraqat alǵanyn rastady.
Eske sala keteıik , budan buryn Batys Qazaqstanda jol apatynan eki adamnyń qaza taýyp, tórteýiniń aýyr jaraqat alǵanyn jazǵan bolatynbyz.
