Oralda eki avtokólik soqtyǵysyp, júrgizýshiler jaraqat aldy
ORAL. QazAqparat – Oralda qos avtokólik soqtyǵysyp, júrgizýshiler jaraqat aldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Zachagan kentinde boldy.
Shamamen saǵat 01.00-de E.Brýsılovskıı kóshesi men Sarytaý jolynyń qıylysyndaǵy baǵdarsham tusynda «Folksvagen Golf» pen «VAZ-2107» avtokólikteri túıisti.
Qutqarýshylar kelgenge deıin qystyrylyp qalǵan «Folksvagen Golf»-tiń 1991 jylǵy júrgizýshisi avtokólikten shyǵarylǵan. Qutqarýshylar kólikti toqtan ajyratty.
«VAZ-2107» avtokóliginiń 1989 jylǵy júrgizýshisi de túrli jaraqat alǵan. Ekeýi de aýrýhanaǵa jetkizildi.
Oblystyq densaýlyq saqtaý basqarmasynyń naqtylaýynsha, 1991 jylǵy er adam oblystyq kópbeıindi aýrýhanaǵa jatqyzylǵan. Ekinshisi dárigerler qaraǵannan keıin ambýlatorııalyq em alýǵa jiberildi.
