Oralda eki avtokólik soqtyǵysyp, júrgizýshi qaza tapty
ORAL. QazAqparat – Oralda eki avtokólik soqtyǵysyp, júrgizýshi qaza tapty, dep habarlaıdy QazAqparat.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıev málim etkendeı, oqıǵa búgin saǵat 15.36-da M.Sholohov pen Ǵ.Qurmanǵalıev kósheleriniń qıylysynda boldy.
«Mercedes» pen «VAZ-2110» avtokólikteri betpe-bet túıisti.
Jedel qutqarý jasaǵynyń qutqarýshylary «VAZ-2110» avtokóliginiń salonynda qystyrylyp qalǵan 1986 jylǵy júrgizýshiniń denesin shyǵaryp aldy.
Oblystyq densaýlyq saqtaý basqarmasynyń naqtylaýynsha, jedel járdem saǵat 15.37-de shaqyrylyp, 15.42-de jetken. Alaıda júrgizýshi jedel járdem kelgenge deıin kóz jumǵan.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Batys Qazaqstanda shaǵyn avtobýstyń janyp ketkenin jazǵan bolatynbyz.
