Oralda eki avtokólik soqtyǵysyp, úsh adam zardap shekti
BQO polıtsııa departamentiniń baspasóz qyzmetinen málim etkenindeı, oqıǵa 3 sáýirge qaraǵan túni Ábilqaıyr han dańǵylynda boldy.
«Shamamen saǵat 00.20-da 33 jastaǵy júrgizýshi «VAZ-2114» avtokóligimen S.Tıýlenın kóshesimen qıylysta solǵa burylý kezinde jol erejesin buzǵan. Sóıtip 26 jastaǵy júrgizýshi aıdap kele jatqan Toyota Camry avtokóligine jol bermeı, túıisken. Sonyń saldarynan Toyota Camry kóliginiń júrgizýshisi men jolaýshysy túrli jaraqatpen aýrýhanaǵa jatqyzyldy. Qazirgi kezde atalǵan derek boıynsha QR QK 345-baby 1-bóligine sáıkes sotqa deıingi tergeý amaldary júrgizilýde», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, jambasy shyǵyp ketken 23 jastaǵy qyz oblystyq aýrýhananyń jaraqat bólimshesinde jatyr. Jambasy synǵan 26 jastaǵy júrgizýshi de sonda emdelýde. 33 jastaǵy er adam ambýlatorlyq em alýǵa jiberildi.
Eske sala keteıik, budan buryn BQO-da eki jas jigittiń ekspedıtordyń 2 mln teńgege jýyq aqshasyn tartyp alǵanyn jazǵan bolatynbyz.