Oralda eki avtokólik soqtyǵysyp, úsh adam aýrýhanaǵa tústi
ORAL. QazAqparat - Oralda eki avtokólik soqtyǵysyp, úsh adam zardap shekti, dep habarlaıdy QazAqparat tilshisi.
BQO Polıtsııa departamenti baspasóz qyzmetinen túsken málimetke qaraǵanda, oqıǵa búgin saǵat 15.40-ta N.Nazarbaev dańǵyly men A.Karev kóshesi qıylysynda boldy.
"Lada Largýs" jáne "VAZ-2110" avtokólikteri soqtyǵysqan. J ol apaty saldarynan úsh adam zardap shekti.
BQO D ensaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 15.46-da shaqyrylyp, brıgada bes mınýttan keıin jetti.
Aldyn ala málimet boıynsha, 9 jáne 17 jastaǵy qyzdar, sondaı-aq 52 jastaǵy áıel jabyq bas-mı jaraqatyn alyp, mılary shaıqalǵan. Qyzdardyń ekeýi de oblystyq kópbeıindi balalar aýrýhanasyna, áıel oblystyq kópbeıindi aýrýhanaǵa jetkizildi.
Qazirgi kezde oqıǵanyń jaı-japsary anyqtalý ústinde.
Eske sala keteıik, Oralda mas kúıinde jol apatyn jasaǵan polıtseı qyzmetinen qýylǵanyn, sondaı-aq aýrýhanada jatqan 65 jastaǵy er adamnyń úshinshi qabattan sekirip, kóz jumǵanyn jazǵan bolatynbyz.
