Oralda eki avtokólik soqtyǵysyp, bir otbasynyń úsh adamy zardap shekti
ORAL. QazAqparat – Oral qalasynda eki avtokólik soqtyǵysyp, bir otbasydan úsh adam zardap shekti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa búgin tańmen E.Pýgachev pen Jáńgir han kósheleriniń qıylysynda boldy.
Folksvagen jáne Ford avtokólikteri soqtyǵysqan, qaı júrgizýshiniń kináli ekendigi anyqtalý ústinde.
Qazirgi kezde QR QK 345-baby 1-bóligine sáıkes qylmystyq is qozǵalyp, sotqa deıingi tergeý amaldary bastaldy.
Oblystyq densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 08.43-te jetti.
Jol apatynan bir otbasydan úsh adam jaraqat aldy.
Aldyn ala málimet boıynsha 60 jastaǵy áıeldiń keýdesi men ıyq tusy kógergen. 21 jastaǵy qyzdyń jambas súıegi synǵan. 18 jastaǵy jigit jabyq bas-mı jaraqatyn alǵan ári mıy shaıqalǵan. Úsheýi de qalalyq kópbeıindi aýrýhanaǵa jetkizildi.
Eske sala keteıik, budan buryn Oralda túrmede 33 jastaǵy er adamnyń asylyp qalǵanyn jazǵan bolatynbyz.
