Oralda eki avtokólik soqtyǵysyp, 8 jasar bala zardap shekti
BQO polıtsııa departamentiniń baspasóz qyzmetinen málim etkenindeı, oqıǵa 25 mamyr kúni N.Ábdirov pen ıAnvartsev kósheleriniń qıylysynda boldy.
«Saǵat 08.10-da 20 jastaǵy júrgizýshi «Reno Logan» avtokóligimen jol qozǵalysy qaýipsizdigin qamtamasyz etpegen. Sóıtip 40 jastaǵy júrgizýshi aıdap kele jatqan «Prıora» avtokóligimen túıisken. Sodan «Reno Logan» jaryq baǵanyna, «Prıora» avtokóligi turǵyn úıge baryp soǵylǵan. Jol apaty saldarynan «Prıora» avtokóliginiń júrgizýshisi men «Reno Loganda» otyrǵan 8 jasar bala aýrýhanaǵa jetkizildi. Atalǵan derek boıynsha «Reno Logan» avtokóliginiń júrgizýshisine qatysty QR Ákimshilik quqyqbuzýshylyq týraly kodeksiniń 610-babyna sáıkes hattama toltyryldy», dep habarlady vedomstvodan.
BQO densaýlyq saqtaý basqarmasy baspasóz qyzmetininiń naqtylaýynsha, jedel járdem kóligimen qalalyq kópbeıindi aýrýhanaǵa jetkizilgen 1983 jylǵy er adam ıek tusynyń jáne erniniń joǵary bóliginen, keýdesinen jaraqat alǵan. Qajetti kómek kórsetilip, ambýlatorlyq em taǵaıyndalyp, úıine jiberildi.
Al 2014 jylǵy bala oblystyq kópbeıindi balalar aýrýhanasyna jatqyzyldy. Bas súıeginen, mańdaı tusynan jaraqat alyp, mıy shaıqalǵan. Qazirgi kezde jaǵdaıy ortasha aýyr.
Eske sala keteıik, budan buryn Batys Qazaqstanda jol apatynan úsh adamnyń qaza tapqanyn jazǵan bolatynbyz.
