Oralda eki avtokólik soqtyǵysyp, 5 adam zardap shekti
BQO polıtsııa departamentiniń baspasóz qyzmeti málim etkenindeı, oqıǵa 17 qarasha kúni shamamen saǵat 18.20-da Derkól kenti aýdanyndaǵy aınalma jolda boldy.
«VAZ-2115» avtokóliginiń júrgizýshisi rýlge ıe bola almaı qalyp, qarsy bette kele jatqan «Lada Granta» avtokóligimen soqtyǵysqan.
Sonyń saldarynan bes adam jaraqat aldy, olardyń bireýi – bala. Bári de aýrýhanaǵa jetkizildi.
Qazirgi kezde polıtsııa qyzmetkerleri oqıǵanyń mán-jaıyn anyqtap jatyr.
QR QK 345-babyna sáıkes sotqa deıingi tergeý amaldary bastaldy.
BQO TJ departamenti baspasóz qyzmetiniń tolyqtyrýynsha, qutqarýshylar «VAZ-2115» avtokóligine qystyrylyp qalǵan 30 jastaǵy júrgizýshini shyǵaryp, jedel járdemge tapsyrdy.
Eske sala keteıik, budan buryn Batys Qazaqstan oblysynda dári-dármek tıelgen «GAZel» avtokóligi janyp ketkenin jazǵan bolatynbyz.